ياريتنى كنت كلب

ياريتنى كنت كلب

ياريتنى كنت كلب
لفت
انتباهى جملة (يا ريتنى كنت كلب ) من سيدة عجوز تبيع بعض الاقلام على
الرصيف وهى تحدث نفسها .. فتوقفت استنكر قولها واشرح لها انه لا يصح ان
نتمنى ان نكون اقل مما كرمنا الله به فهو ميزنا عن باقى خلقه .. وعزمت ان
يكون كلامى ليناً قدر المستطاع حتى لا انفرها من فهمه تطبيقاً لقوله تعالى (
فبما رحمة من الله لنت لهم ولو كنت فظا غليظ القلب لانفضوا من حولك ).
بادرت بسؤالها ( ليه يا حاجة بتقولى كدة .. دة ربنا خلقنا وكرمنا) نظرت
بعيون يملؤها مزيج من الحزن والالم تتحدث بلا كلمات عن معاناة سنين تتحملها
صاحبتها ثم تهندت تنهيده طويلة وردت قائلة ( ونعمل ايه بس يا بنتى اذا كان
الكلب عرف ياخد حقه واحنا اللى بعقل ولسان مش عارفين) لجمتنى جملتها وبدأت
احضر فى عقلى رد يخفف عنها وابحث عن سبل لمساعدتها ولكنها اكملت متجاهله
ما قرأته فى وجهى ( الناس قامت ما قعدتش عشان الكلب اللى اتقتل .. ما
تفتكريش انى موافقة لا دة حيوان غلبان وربنا ورسلونا وصونا بالرحمة بيهم ..
بس يا بنتى احنا بشر لما نلاقى الحيوان خد حقة فى ظرف مفيش وغيره مات ولحد
دلوقت ضايع حقه .. طب بلاش مش هدور على الحق .. فين الناس اللى اتعاطفت مع
الكلب ليه ما شفناش التعاطف دة مع اخوتهم .. عارفة كنت اعرف واحد من اللى
ماتوا فى الماتش اللى فات دة القريب .. كان فاضل له سنه ويخلص كليته ويوم
ما جاب تذكرة الماتش تقوليش طلع الاول عمل هيصه وفرح ..كأنه يا عين امه
مستعجل يقابل ربه ) رديت عليها ( دة اجلهم ونصيبهم والزحمة والخوف سبب
رئيسى ....) قاطعتنى وقالت ( اقولك على سبب موت الكلب ) هززت رأسى
بالايجاب.



استرسلت ( محدش بيتعلم الرحمة .. العيال دول وغيرهم وهما صغيرين كان لعبهم
النشان بالنبله على العصافير وبعد كدة يربطوها ويجروها وراهم او يلعبوا
بها مع قطة ولا كلب .. هما نفسهم اللى كبروا شوية وربطوا الكلاب البلدى
اللى فالشارع بدبارة لحد ما قطعت لحم رقابهم .. دول لما قامت ثورة يناير
ومعاهم غيرهم كتير .. اشتروا كلاب حراسة ..فى تجارة قامت مخصوص على الموضوع
ده .. واذا كانت الناس فى الحتت الراقيه بتشتريها للحراسة فعلا .. ففى
المناطق الشبيعة بيشتروها منظرة وفتونه .. تلاقى الشاب من دول اول ما
الدنيا تليل نازل وفى ايده كلب ولا اتنين حجمهم كبير ويقفوا على الناصية
ولو شله تحسيهم بقوا شبه العصابة ويستعرضو قوتهم بكلابهم .. مش زى الافلام
كَبروا كلبهم وكبر حبهم معاه .. الكلب فى عينهم غرضه الحمايه باى طريقة ).



الرحمة لا تُعلم اخذت تلك الجملة تدور فى رأسى بعد تركى اياها .. فكم من
صور للرحمة نراها بين الحيوانات البكم التى بلا عقل وضعها الله فى قلوبهم
فنجد قطة تعطف وتُرضع جراء صغيرة ماتت امهم وتركتهم وغيرها من صور الرحمة
.. تذكرت حديث الرسول صلى الله عليه وسلم (لا تُنْزَعُ الرَّحْمَةُ إِلا
مِنْ شَقِيٍّ ) فمن لا يجد لين فى قلبه للمبتلين والضعفاء والعاجزين فهو
مُبتلى .


fatma@ahram.org.eg

تعليقات

إرسال تعليق

المشاركات الشائعة من هذه المدونة

مبروك.. معلش.. يا دى النيلة - الأهرام اليومي

مبروك.. معلش.. يا دى النيلة - الأهرام اليوم   فاطمة عمارة جرت على ألسنتنا بعض الكلمات دون ان نعرف معاينها .. وكانت بحكم العادات تستخدم لوصف مواقف معينة بالسؤ او للتهنئة او حتى عدم الاهتمام.اثناء حوار مع احدى صديقاتى علقت على الموقف قائله " يا دى النيلة" وضحكنا ثم تسألنا بيننا عن معناها. اخذت على عاتقى تلك المهمة والتى اسفرت فى نهاية الامر ان نكتشف ان كلمة " نيلة " لغة عربية فصحى بمعنى العطية وهو ايضاً صبغة زرقاء تستخرج من نبات النيل وفق معجم المعانى الجامع .. انعقدت ألسنتنا من الدهشة فنحن نستخدم كلمة جميلة المعنى لوصف شئ سئ .. وفى المقابل اكتشفت ان معنى كلمة " مبروك " الدارج بيننا للتهنئة تعنى ( برك الجمل) وعلى الرغم من ذلك يشير القاموس الى انها تستخدم للتهنئة وهى اسم المفعول من الفعل برك وان الافضل استخدام كلمة مُبارك لانها اسم المفعول من الفعل بارك. ونستخدم كلمة " دوشة " للدلالة على الضوضاء و" شوشرة " دلالة على البلبلة والاشاعات " وشوشة " للكلام الهامس وهى كلمات لها نفس المعنى فى الفصحى وفق معجم المعانى
قراءة المزيد

حكم الهوى

حكم الهوى : حكم الهوى فاطمة عمارة يزرع الله  المحبة داخل القلوب لا دخل لمخلوق فيها .. وعلى الرغم من هذا نهانا أن نحكم عليهم بأهوائنا (فَلا تَتَّبِعُوا الْهَوَى) فى سورة النساء وخصها للحكم العادل موجهاً الخطاب لنبى الله داوُد علية السلام (يَا دَاوُدُ إِنَّا جَعَلْنَاكَ خَلِيفَةً فِي الْأَرْضِ فَاحْكُمْ بَيْنَ النَّاسِ بِالْحَقِّ وَلا تَتَّبِعِ الْهَوَى فَيُضِلَّكَ عَنْ سَبِيلِ اللَّهِ) . فلا ينبغى أن يكون حب أو كره الشخص أثر فى حكمنا عليه ولكن ما يحدث منا خلاف هذا. فنجد شخص أصابة الله بمرض أو ابتلاء وله فى القلوب ما يعلمه الله فيحكم من حوله أن هذا ابتلاء لينقيه الله من الذنوب والآثام ويرفعه درجات ويقربه منه ، ونجد من يحكم على نفس الشخص أن ما فيه ما هو إلا عقوبة جزاءً لما اقترف من أعمال، وما بين كفة   (طيب وغلبان) و كفة ( ظالم مفترى) نوزع أحكامنا على هوى كل منا .. وأصبح تجريد القلب مما فيه من ميل فطرى زُرع فيه بالحب أو الكره عملة نادرة فى زمننا هذا بل وأصبح من العادى توزيع أقدار الله على هواى المتحدث . والسبب فى هذا أن كل منا يشغل قلبه بما أصابه من خير أو أذى ممن حوله فيتأثر
قراءة المزيد

إبن تائه وأب حائر

إبن تائه وأب حائر : إبن تائه وأب حائر فاطمة عمارة يبدأ الآباء والآمهات فى نسج أحلام لمستقبل أبنائهم مع أول مرة يحملوهم فى أيديهم ، وتكبر الأحلام لتصبح خطط وتُرسم الخطوات لتحقيقها .. ومع أول خطوة يخطوها الصغار يبدأ التنفيذ .. فكل ما يمارسه الصغار من رياضة خطط له الكبار أما لاستكمال مشوار الأب أو الأم أو لتحقيق حُلم داعبهم ولم ينجحوا فى إتمامه أو استكماله .. وللأسف البعض يتجاهل ميول أبنائهم وخاصة إذا كانت هذه الميول فنية . ينجح كثيرون فى أسلوب دفع الأبناء فى تجاه تحقيق المخطط عندما يتوافق مع أحلام الصغار الشخصية ولكن هناك حالات يتمرد الأبناء على خارطة الطريق المرسومة لهم ويقرروا أن يحيدوا عنها فلا يورثوا مهنة الأهل ويبعدوا تمام البعد عن هوايتهم ويقرروا تحقيق أحلام شخصية .. بعض التمرد أساسه العند والبعض الآخر لهدف تحقيق الذات ولكن ينتج عن الأثنين أبن تائه وأب حائر وقنوات اتصال معطلة . سَعي لإرضاء لا يتحقق يبذله الأبناء ويضن به الآباء فسقف التوقعات مرتفع والمجهود المبذول من الصغار لا يوازي الجهد المادي الذي يمنحه الآباء وضاع وسط الماديات احتواء وتفهم واستيعاب لاختلاف جيل وزم
قراءة المزيد